उत्तर कोरियाका कर्नेल हुपले येशूमाथि विश्वास गरे

डा. वर्थ वर्ली र तिनकी पत्नी मिसनरी बनेर दक्षिण कोरिया गए । त्यस देशको तेइगु नामक सहरको कुनै एउटा निर्माणधीन घरमा डा. वर्लीले प्रचार गरिरहँदा तिनको वचनबाट प्रभावित भई केही मानिसहरूले येशू ख्रीष्टलाई आफ्नो व्यक्तिगत मुक्तिदाता र प्रभुको रूपमा स्वीकार गरे । येशूलाई अङ्गाल्नेहरूमध्ये एक जना थिए— कर्नेल किम चाङ्ग हुप । सङ्गति गर्ने क्रममा डा. वर्लीले पछि थाहा पाए कि येशूलाई स्वीकार गर्ने कर्नेल हुप त उत्तर कोरियाका बासिन्दा पो रहेछन् ।

वास्तवमा कथा यस्तो भएको रहेछ । कर्नेल जासुस थिए जस्तो देखिन्छ जो दक्षिण कोरियाका तत्कालीन राष्ट्रपति पार्क चुङ्ग हेको शिर काट्न भनेर दक्षिण कोरियामा आउँदा पक्राउ परेका थिए । कर्नेल हुप जासुसहरूका अगुवा थिए । पक्राउ परेपछि दक्षिण कोरियाको जेलमा तिनले धेरै वर्ष बिताए । तिनले येशू ख्रीष्टको बारेमा उदेकको कथा सुनेर उहाँलाई विश्वास गरेका थिए । पछि तिनी जेलमुक्त भए अनि तिनले बप्तिस्मा लिए । तिनी मण्डलीमा विश्वासयोग्य विश्वासी बने । भूतपूर्व साम्यवादी जासुसलाई काम पाउन ती दिनमा मुaश्किल थियो । त्यसैले, डा. वर्लीले हुपलाई मण्डलीको हेरचाह गर्ने जिम्मा दिए । यसरी तिनी देशको कर्नेलबाट ख्रीष्टको राजदूत बने ।    

Leave Your Comments Here.