साहसिला मिसनरी लिभिङ्गस्टोनले परमेश्वरको कामलाई सौभाग्य ठाने

ख्रीष्टाब्द १८१३ मा स्कटल्यान्डमा जन्मेका डेभिड लिभिङ्गस्टोन मिसनरीसाथै अन्वेषक थिए जसले अफ्रिकी भूमिमा ३३ वर्ष बिताए । अफ्रिकाका जङ्गली आदिवासीहरूको बिचमा सुसमाचार लैजाने क्रममा तिनले धेरै दु:खकष्ट भोगे । तथापि यी ईश्वरभक्त मिसनरीले एक पटक उल्लेख गरेका थिए:

मैले मेरो जीवनको धेरै समय अफ्रिकामा बिताएकोले मानिसहरूले मैले गरेका बलिदानहरूको चर्चा परिचर्चा गर्छन् । के त्यसलाई बलिदान भन्न मिल्छ र ? त्यो त हामीले परमेश्वरलाई कहिल्यै फिर्ता गर्न नसक्ने विशाल ऋणको एउटा सानो अंश मात्र हो । ... वास्तवमा यो कुनै बलिदान होइन । बरु, यसलाई सौभाग्य भन्नुस् । यस जीवनका सुविधा र सौहाद्रतापछि कहिलेकाहीँ देखा पर्ने चिन्ता, बिमार, दु:खकष्ट वा खतराले हामीलाई रोकिन लगाउन सक्छन्; आत्मालाई डगमगाउन सक्छन् र प्राणलाई डुबाउन सक्छन् तर यी केही क्षणका लागि मात्र होऊन् । यसपछि हाम्रा निम्ति प्रकट गरिने महिमाको तुलनामा यी सबै केही पनि होइनन् । मैले कहिल्यै बलिदान गरिनँ । उहाँ पिताको सिंहासन छाडेर हाम्रो निम्ति अर्पण हुन आउनुभएको थियो । त्यस महान् बलिदानलाई सम्झँदा यस विषयमा हामीले चर्चा गर्नुपर्दैन ।     

  

Leave Your Comments Here.