सुरुमा ख्रीष्टलाई इन्कार गर्ने वृद्धले अन्त्यमा उहाँलाई विश्वास गरेरै छाडे

धेरै वर्षअगि युरोपेली मुलुक सर्बियाको एउटा गाउँमा जेकब नाउँ गरेका एक जना सुसमाचार प्रचारक आइपुगे । त्यहाँ तिनले सिम्मरम्यान नामक वृद्ध मानिसलाई भेटे । जेकबले ती पाका मानिसलाई येशू ख्रीष्टको प्रेमको बारेमा सुनाउन सुरु गरे । पाका मानिसले जेकबको प्रस्तुतिमाथि हस्तक्षेप गरी आफूले सुन्न नचाहेको कुरो व्यक्त गरे ।

त्यस गाउँमा ख्रीष्टियान अगुवाहरूले लुटपाट गर्नुका साथै निर्दोषहरूको ज्यान लिएको थियो भनी पाका मानिसले जेकबलाई स्मरण दिलाए । “तिनीहरूले मेरो आफ्नै भतिजोलाई मारे”, तिनले भने । सुसमाचार सुनाउने जेकबको प्रयासलाई वृद्धले रिसाउँदै इन्कार गरे ।

तर जेकब हरेस खाएनन् । समय समयमा तिनी त्यस गाउँमा धाइरहे, सिम्मरम्यानसित मित्रता गाँस्न, तिनलाई उत्साह दिन र तिनलाई येशू ख्रीष्टको प्रेमको विषयमा बताउन ।

अन्त्यमा परमेश्वरले पाका मानिसको ह्दयमा काम गर्नुभयो । एक दिन तिनले जेकबलाई सोधे, “एउटा मानिस कसरी ख्रीष्टियान बन्छ ?”

येशूलाई प्रभु र मुक्तिदाताको रूपमा स्वीकार गर्ने व्यक्ति ख्रीष्टियान बन्छ भनी जेकबले सिम्मरम्यानलाई बताए । यो प्रभुको राज्यमा आई उहाँको सन्तान बन्ने प्रारम्भिक कदम थियो । पाका मानिसले घुँडा टेकी आफ्नो जीवन प्रभु येशूमा सुम्पे । आँसु झार्दै उठेर तिनले जेकबलाई अङ्गालो हाली यसो भने, “मेरो जीवनमा आउनुभएको लागि तपाईंलाई धन्यवाद छ ।”

Leave Your Comments Here.