८,००० ओटा भजनसाथै गितका दृष्टिविहीन रचयिताले भजनको विषय यसरी पाइन्

८,००० भन्दा बेसी भजनसाथै गितका दृष्टिविहीन रचयिता हुन्, फेन्नी जे. क्रज्बी । मानवीय दृष्टिकोणबाट आफू असक्षम हुँदाहुँदै पनि उनी जीवनमा सफलताको त्यो उचाइसम्म पुग्न सफल भइन् जहाँसम्म थोरै असक्त मानिसहरू मात्र पुग्न सक्छन् ।

कुनै एउटा रातमा फेन्नी केही जवान केटाहरूको बिचमा बोल्दै थिइन् । एउटा केटो आफ्नी आमाबाट तर्केर आएको छ जसलाई त्यस रातमा उद्धार नगरिएको खण्डमा ऊ सदाको निम्ति हराउनेथियो भन्ने विचार फेन्नीको मनमा नाचिरहेको थियो । यदि त्यस्तो कोही केटो त्यहाँ उपस्थित छ भने आफूलाई बताउन उनले बिन्ती गरिन् । सेवाको अन्त्यमा अठार वर्षको एक जना जवान मानिस अगाडि आए र यसो भने, “फेन्नी ज्यू, तपाईंले मलाई भन्नुभएको हो ? स्वर्गमा भेट्नेछु भनी मैले मेरी आमासित प्रतिज्ञा गरेको थिएँ । तर अहिले म जुन किसिमले बाँचिरहेको छु त्यसको कारणले गर्दा त्यो असम्भव छ ।” तर फेन्नीले तिनको लागि प्रार्थना गरिन् अनि तिनलाई प्रभु येशूमा डोर्‍याइन् । दुवैले प्रार्थना गरेपछि भर्खरै प्रभुमा आएका ती जवान मानिसले भने, “अब, स्वर्गमा मेरी आमालाई भेट्न म तयार भएको छु किनकि मैले परमेश्वरलाई पाएको छु ।”

ख्रीष्टाब्द १८६९ मा अमेरिकाको न्युयोर्कमा फेन्नीले यस्तो अनुभव गरेपछि तिनले रेस्क्यु द पेरिसिङ्ग (हराइरहेकाहरूलाई छुटकारा देऊ) नामक भजनका शब्दहरू कोरेकी थिइन् ।  

Leave Your Comments Here.