१५ वर्षको लगातार प्रार्थनापछि टोरीका दाजुले विश्वास गरे

आर. ए. टोरी उन्नाइसौँ शताब्दीको मध्यतिर अमेरिकामा जन्मेका प्रचारक, पास्टर, शिक्षक र लेखक थिए ।

लाग्थ्यो, टोरीका जेठो दाजुले प्रभुलाई कहिल्यै विश्वास गर्दैनथ्ये । तर प्रार्थनामा औधी विश्वास गर्ने टोरीले आफ्नो दाजुको परिवर्तनको निम्ति १५ वर्षसम्म निरन्तर रूपमा प्रार्थना गरिरहे । तिनले दाजुको लागि प्रार्थना गर्न एक दिन पनि छुटाएनन् ।

जाडो महिना थियो । अमेरिकाको सिकागो सहरमा टोरी घुँडा टेकेर प्रार्थना गरिरहँदा तिनले परमेश्वरको आवाज सुने, “मैले तिम्रो प्रार्थना सुनेको छु । अब तिमीले प्रार्थना गर्नुपर्दैन । तिम्रो दाजुले विश्वास गर्नेछन् ।”

दुई हप्तापछि टोरीका दाजु तिनको घरमा आए । तिनी बिरामी परेका थिए । त्यसैले तत्कालै घर छाडेर जान सक्ने अवस्थामा थिएनन् । घरबाट प्रस्थान गर्नुभन्दा ठिक एक दिनअगि विख्यात प्रचारक डी. एल. मुडीको अफिसमा टोरीका दाजुले आफ्नो जीवन प्रभु येशूमा सुम्पे ।

कुनै एउटा सहरमा बैठक भइरहँदा टोरीले परमेश्वरको यस शक्तिलाई त्यहाँ प्रस्तुत गरेका थिए । बैठकको अन्त्यमा एक जना वृद्धा अगाडि आई यसो भनिन्, “मेरो दाजुले प्रभुमा विश्वास गरोस् भनी मैले धेरै वर्षदेखि प्रार्थना गर्दै आएको थिएँ । उहाँ अहिले ६३ वर्षको हुनुहुन्छ । तर केही समयअगि मैले प्रार्थना गर्न छाडिदिएँ । तर म फेरि प्रार्थनालाई निरन्तरता दिनेछु ।” दुई हप्ता पनि बित्न नपाउँदै ती वृद्धाले भनिन्, “मैले मेरो दाजुबाट खबर पाएको छु कि उहाँले ख्रीष्टलाई स्वीकार गर्नुभएको छ ।”       

Leave Your Comments Here.