येशू ख्रीष्ट महानतम चिकित्सक हुनुहुन्छ

ख्रीष्टियान शिक्षाले स्वास्थ्यको क्षेत्रमा उल्लेखनीय योगदान पुर्‍याएको छ । यदि ख्रीष्टियान शिक्षालाई जीवनमा उतार्ने हो भने मानिस स्वस्थ हुन्छ । येशूका शिक्षाले उहाँका अनुयायीहरूलाई अस्पतालको उदय गर्न अभिप्रेरित गरे । वास्तवमा येशू ख्रीष्ट महानतम चिकित्सक हुनुहुन्छ । अस्पतालको स्थापनामा उहाँको शिक्षाको भूमिकाको एउटा नमुना यहाँ पेस गरिएको छ ।       

ख्रीष्टाब्द १९३१ मा उत्तर अमेरिकाका केही मिसनरीहरूले दक्षिण अमेरिकाको उत्तर–पश्चिममा पर्ने इक्वेडरको राजधानी क्विटोमा सर्ट वेभ ख्रीष्टियान रेडियोको थालनी गरे । एचसीजेबी अर्थात् द भोइस अफ द एन्डेस नामक उक्त रेडियो स्टेसन संसारमै पहिलो ख्रीष्टियान मिसनरी रेडियो स्टेसन हो । यसले दक्षिण अमेरिकामा मात्र नभएर त्यसभन्दा पर पनि आफ्नो प्रसारणको पाल तन्काएको थियो ।

केही वर्ष बितेपछि छिमेकी राष्ट्रका केही स्थानीय मानिसहरू औषधीको सहायता खोज्दै स्टेसनमा आइपुगे । रेडियोबाट आत्माका खुराक पस्किने गरिन्थ्यो । तर, रेडियोका मान्छेहरूले शरीरको पनि सेवा गर्छन् भन्ने अनुमान लिएर तिनीहरू स्टेसनसम्म धाएका थिए । परिणामत: ख्रीष्टाब्द १९५५ मा स्टेसनले एउटा अस्पताल खोल्यो । आज यो अस्पताल मुलुककै एउटा महत्त्वपूर्ण अस्पताल बनेको छ जसबाट हजारौँले सेवा पाइरहेका छन् ।

Leave Your Comments Here.