येशूको मृत्युबारे १० ओटा भनाइहरू

हे मेरा मित्रहरू, पृथ्वीमा एउटा स्थान छ जहाँ मृत्यु, पाप र न्यायको डरले हामीलाई कहिल्यै बेचैन तुल्याउँदैन; पृथ्वीमा भएको एउटै मात्र सुरक्षित स्थान जहाँ पापी खडा हुन सक्छ । त्यो हो— गलगथा । 

डी. एल. मुडी, सुसमाचार प्रचारकसाथै प्रकाशक

ख्रीष्ट परमेश्वरका पुत्र हुनुहुन्छ । उहाँ मानिसहरूका पापको प्रायश्चित्तको लागि मर्नुभयो र तिन दिनपश्चात् फेरि बौरी उठ्नुभयो । यो विश्वको सबैभन्दा महत्त्वपूर्ण सत्यता हो । म ख्रीष्टमा विश्वास गरेर मर्छु ।

वाचम्यान नी, अगुवासाथै शिक्षक

ख्रीष्टको क्रूस वीरतापूर्ण कुरो थिएन भनी मानिसहरूले भनेका छन् । तर म तपाईंहरूलाई भन्न चाहन्छु कि मानवीय इतिहासमा अन्य कुनै घटनाले भन्दा येशू ख्रीष्टको क्रूसले मानिसका आत्माहरूमा बेसी वीरता हालिदिएको छ ।

जोन जी. लेक, अगुवासाथै मिसनरी

ख्रीष्टियमत कुनै सुत्र होइन तर येशू आफैको व्यक्तित्व हो । ख्रीष्टियमत भनेको आचरण मिलाउनु हो भनी कहिल्यै नठान्नुस् बरु ख्रीष्टलाई उहाँको शक्ति र सामथ्र्यसाथ हामीमा जिउन दिनु हो ।

माल्कोम स्मिथ 

ख्रीष्ट र उहाँको क्रूसारोहणलाई बोध गर्न सिक्नुस् । उहाँको लागि गाउन सिक्नुस् र भन्नुस्, “हे प्रभु येशू, तपाईं मेरो धार्मिकता हुनुहुन्छ र म तपाईंको पाप हुँ । जे मेरो हो त्यो तपाईंले आफै बोक्नुभएको छ र तपाईंको चाहिँ मलाई दिनुभएको छ । म जे थिइनँ त्यो हुन सकूँ भनेर तपाईं जे हुनुहुन्थेन तपाईं त्यो हुनुभएको छ ।

मार्टिन लुथर, ईश्वरशास्त्रीसाथै प्राध्यापक

 

ख्रीष्टले जिउनुभएको जीवनले उहाँले भोग्नुभएको मृत्युलाई योग्य तुल्यायो । र, उहाँले भोग्नुभएको मृत्युले हामीले जिउने जीवनलाई योग्य तुल्याउँछ ।

अज्ञात

अन्धकारमा कुनै छनौट हुँदैन । वस्तुहरूको भिन्नता छुट्टयाउन हामीलाई सक्षम तुल्याउने कुरो त ज्योति हो र हामीलाई ज्योति दिने ख्रीष्ट हुनुहुन्छ ।

सी. टी. ह्वाइटमेल

येशूले आफ्नो जीवन तपाईंको निम्ति जिउनुभयो र उहाँले आफ्नो जीवन तपाईंको निम्ति दिनुभयो । अब उहाँले आफ्नो जीवन तपाईंद्वारा जिउन चाहुनुहुन्छ ।

ज्याक्विलेन के. हेस्ली

कोही सिद्ध छैन । एक मात्र जो सिद्ध हुनुहुन्थ्यो उहाँलाई क्रूसमा चढाइयो ।

लोरेट्टा ल्यान, 

क्रूसको विजयलाई आएर हेर्नुस् । ख्रीष्टका चोटहरू तपाईंका चङ्गाइ हुन्; उहाँका वेदना तपाईंका विश्राम हुन्; उहाँका सङ्घर्ष तपाईंका जित हुन्; उहाँका आर्तनाद तपाईंका गीत हुन्; उहाँका दर्द तपाईं चैन हुन्; उहाँको लाज तपाईंको महिमा हो; उहाँको मृत्यु तपाईंको जीवन हो र उहाँको दु:खकष्ट तपाईंको उद्धार हो ।

मत्ती हेन्री, सेवकसाथै लेखक

Leave Your Comments Here.