पोलिकार्प
दोस्रो शताब्दीका स्मर्नाका बिशप
थिए । तिनलाई
ख्रीष्टियान जगत्ले सन्तको रूपमा
आदर गर्छ ।
तिनी प्रेरित यूहन्नाका
चेला थिए ।
तिनी आफ्नो ख्रीष्टियान
विश्वासको निम्ति सहिद भएर
यस धरतीबाट आफ्नो
स्थायी घरमा प्रवेश
गरेका थिए ।
यो
सम्भवत: ख्रीष्टाब्द १५५ को
कुरो हो ।
पोलिकार्पको गिरफ्तारीको लागि केही
सिपाहीहरू पठाइए । तर
पोलिकार्पले तिनीहरूलाई स्वादिष्ठ भोजन
खुवाएपछि तिनीहरूका निम्ति यसरी
प्रार्थना गरे कि
तिनीहरूमध्ये केहीले येशूमाथि विश्वास
गरे ।
तिनको
पक्राउपश्चात् रोमी अधिकारीले
तिनलाई ख्रीष्टलाई इन्कार गर्न
अनुरोध गर्दा तिनले निर्भीक
भएर जवाफ दिए,
“मैले छयासी वर्षसम्म
उहाँको सेवा गरेको
छु र उहाँले
मेरो कुनै हानि
गर्नुभएको छैन ।
तब कसरी मैले
मेरा राजा र
मुक्तिदाताको विरुद्धमा बोल्ने ? तपाईं
मलाई आगोले त्रसित
पार्नुहुन्छ जसले केही
समयको लागि जलाउने
काम गर्छ त्यसपछि
त्यो निभ्छ ।
तर तपाईं अनन्त
दण्डको आगोबारे अनभिज्ञ हुनुहुन्छ
जुन दुष्टहरूका लागि
तयार पारिएको छ
।”
रोमी
सम्राट्लाई पुजा गर्न
इन्कार गरेकाले पोलिकार्पलाई जिउँदै
जलाइएको थियो ।
यसरी आफ्नो विश्वासको
निम्ति तिनले कुनै सम्झौता
नगरी आफ्नो जीवन
बलिदान गरे ।
