येशूले कति जना दृष्टिविहीनहरूलाई निको पार्नुभयो— एक (मर्कूस १०:४६–५२; लूका १८:३५–४३) वा दुई (मत्ती २०:२९–३४) ?

•   मत्ती— “बाटोको छेउमा बसिरहेका दुई जना अन्धाहरूले” (२०:३०)  येशूलाई चङ्गाइको निम्ति बिन्ती गरे ।
•  मर्कूस— “तिमैको छोरो बारतिमै, एक जना अन्धो भिखारी, बाटोको किनारमा बसिरहेको थियो” (१०:४६) जसले येशूलाई दृष्टिको लागि बिन्ती गर्‍यो ।
•  लूका— “त्यहाँ एक जना अन्धो बाटोको छेउमा बसेर भीख मागिरहेको थियो” (१८:३५) जसले देख्न सकूँ भनेर अनुरोध गर्‍यो ।

यी तिन ओटा विवरणहरूलाई पढ्दा प्रस्ट हुन्छ कि मत्तीको अभिलेखअनुसार दुई जनाले चङ्गाइ पाएका छन् भने मर्कूस र लूकाको अभिलेखअनुसार एक जनाले । वास्तवमा कति जनाले चङ्गाइ पाए— एक वा दुई ? के यो प्रस्ट विरोधाभास होइन र ?

यी तिन ओटै विवरणहरूलाई होसियारीपूर्वक पढ्दा प्रस्ट हुन्छ कि मर्कूस र लूकाले एक जनाले मात्र चङ्गाइ पायो भनेर लेखेका छैनन् । यदि ती लेखकद्वयले एक जना व्यक्तिले मात्र चङ्गाइ पाएको थियो भनेर बताएका भए कि मत्ती कि भने मर्कूससाथै लूकाले भुल गरेको हुनेथियो भनी हामीले निष्कर्ष निकाल्नुपथ्र्यो । तर अवस्था त्यस्तो छैन । हामीलाई थाहा छ कि जहाँ दुई जना हुन्छ त्यहाँ एक जना अवश्य हुन्छ । मर्कूसले त्यो दृष्टिविहीन र उसको पिताको नाउँ उल्लेख गरेको यथार्थताले अङ्कित गर्छ कि तिनी एक जना व्यक्तिमा केन्द्रित छन् जसलाई तिनी व्यक्तिगत रूपमा चिन्दछन् । तब हामी निष्कर्ष निकाल्न सक्छौँ कि जम्मा दुई जनाले चङ्गाइ पाए जसमध्ये एक जना तिमैको छोरो बारतिमै थियो भने अर्कोको नाउँ अज्ञात छ ।     

Leave Your Comments Here.