७ रुपियाँबाट खरबपति बनेका वानामेकर जसले आफ्नो सफलताको श्रेय परमेश्वरलाई दिए

आफ्ना पिताको इँटा भट्टीमा काम गरेर जोन वानामेकरले ७ रुपियाँ हात पारे । पिताको मृत्युपश्चात् तिनले पुस्तक पसलमा काम गरे जहाँ तिनले हप्तामा १२५ रुपियाँ तनाखा बुझ्थे । काम गर्नको लागि तिनी हप्तामा दुई पटक चार माइलको यात्रा गर्थे । स्याउ र रोटी तिनको खाना थियो । थप २५ रुपियाँ आम्दानीको लागि तिनले कपडा बेच्ने पसलमा काम गर्थे । त्यहाँ नै तिनले एउटा अठोट गरे, महान् व्यापारी बन्ने ।

तिनले ख्रीष्टियान क्रियाकलापमा भाग लिए र जवान ख्रीष्टियानहरूको निम्ति खोलिएको YMCA ख्रीष्टियान संस्थामा तिनी सचिवमा नियुक्त गरिए फिलाडेल्फियामा र त्यसको निम्ति तिनलाई तलब दिइन्थ्यो । सात वर्षको सेवापश्चात् तिनी पुन: व्यापारमा हाम्फाले ।

आफ्नो एक जना नातेदारसँगै मिलेर तिनले एउटा गोदाम भाडामा लिए अनि सामानहरू ठेलागाडामा राखेर बेच्ने गर्थे । तिनले हरेक दिनको मुनाफा अर्को दिनमा प्रकाशित हुने इन्क्वाइरर नामक पत्रिकामा विज्ञापनको लागि लगानी गर्थे । पछि तिनले डिपार्टमेन्ट स्टोर (सामानका किसिम–किसिम छुट्टयाएर अलग–अलग खण्डमा बिक्रीका लागि मिलाएर राखिने ठुलो पसल) खोले ।

दस वर्षमा तिनी फिलाडेल्फियाकै मुख्य व्यापारीमा गनिए । तिनले आफ्ना उत्कृष्ट कर्मचारीहरूलाई उच्च तनाखा दिए । तिनको स्टोरमा काम गर्ने दर्जनौँ कर्मचारीहरूका तलब अमेरिकी संसदका सचिवहरूकाभन्दा बेसी थियो । हातमा कौडी लिएर हिँडेको मान्छे मुख्य व्यापारी बने ।

तिनको व्यापारको सफलताको कारण ख्रीष्टियान धर्ममा तिनले पाएको तालिम र ख्रीष्टियमतको वास्तविक अभ्यासको कारणले भएको थियो भनी तिनी आफैले गवाही दिएका छन् । तिनले आफ्नो सफलताको श्रेय परमेश्वरमाथिको भरोसालाई दिएका छन् ।

यसरी आफ्नो मिहिनेत, कुशलता, ख्रीष्टियान अभ्यास र परमेश्वरमाथिको भरोसाको परिणामस्वरूप ७ रुपियाँबाट कमाइ थालेका वानामेकर खरबपति बने ।

Leave Your Comments Here.