अन्धकारपूर्ण घडीमा लेखिएको सान्त्वना दिने भजन

ख्रीष्टाब्द १६१८–१६४८ सम्म मध्य युरोपमा जारी श्रृङ्खलाबद्ध युद्धलाई युरोपेली इतिहासमा तिस वर्षे युद्धको नाउँले चिनिन्छ । यही युद्धको बेलामा जर्मनीका पास्टर, ईश्वरशास्त्रीसाथै भजन लेखक पावल गेरहार्ड र तिनको परिवार घर छाडेर भाग्नु परेको थियो ।

एक रातको कुरो हो । तिनीहरू कुनै गाउँको सानो पौवामा बसिरहेका थिए । घरबारविहीन अवस्थामा तिनीहरू भयभीत थिए । तिनकी पत्नी निराश हुँदै चिच्च्याइन् । उनलाई सान्त्वना दिन पावलले परमेश्वरको प्रबन्ध र सुरक्षाबारे धर्मशास्त्रका प्रतिज्ञाहरू उनलाई स्मरण दिलाइन् । पास्टर आफै एकलै बगैँचामा गए । तिनले आफूलाई सम्हाल्न सकेनन् र तिनी पनि रोए । आफू जीवनकै अन्धकारपूर्ण घडीमा आएको महसुस गरे तिनले ।

त्यसको लगत्तै तिनले एउटा बोझ हटेर गई परमेश्वरको ताजा उपस्थितिको महसुस गरे । आफ्नो कलम निकाली तिनले भजनका यी शब्दहरू कोरे जसले धेरैलाई सान्त्वना दिएका छन्:

बतासलाई तपाईंको भय प्रदान गर्नुस्,

आशा गर्नुस् र व्याकुल नहुनुस् ।

परमेश्वरले तपाईंको सुस्केरा सुन्नुहुन्छ र तपाईंको आँसु गन्नुहुन्छ,

परमेश्वरले तपाईंको शिर उँचो पार्नुहुन्छ । 

तरङ्ग, बादल र आँधीद्वारा

उहाँले शान्तपूर्वक बाटो सफा गर्नुहुन्छ ।

उहाँको समयलाई पर्खनुस्,

यो रात चाँडै नै आनन्दमय दिनमा परिणत हुनेछ ।

Leave Your Comments Here.