आखिरी घडीसम्म विश्वासयोग्य मिसनरी आलेन गार्डिनर

आलेन गार्डिनर परमेश्वरका एक विश्वासयोग्य मिसनरीको नाउँ हो । अठारौँ शताब्दीमा जन्मेका ब्रिटिस नागरिक गार्डिनर दक्षिण अमेरिकामा पर्ने पाटागोनिया भन्ने ठाउँमा मिसनरी भएर गएका थिए ।

आफ्नो मुक्तिदाताको सेवा गर्ने क्रममा गार्डिनरले जीवनमा थुप्रै कठिनाइ र दु:खकष्टहरू झेल्नुपर्‍यो । विपत्तिका बाबजुत पनि तिनले भने, “परमेश्वरले मलाई शक्ति प्रदान गर्नुभएसम्म असफलताले मलाई त्रसित पार्नेछैन ।”

ख्रीष्टाब्द १८५१ मा ५७ वर्षको उमेरमा तिनी यस धरतीबाट बिदा भए । दक्षिण अमेरिकामा पर्ने पिक्टोन नाउँ गरेको टापुमा सेवा गर्ने क्रममा रोग र भोकले गर्दा तिनको निधन भएको थियो । तिनको मृत शरीरनेर तिनको दैनिकी पाइएको थियो जसमा तिनले भोग्नुपरेका भोक, प्यास, चोट पटक र एकलोपनाबारे अभिलिखित गरिएको थियो । उक्त दैनिकीको अन्त्यमा तिनले पढ्न सक्ने गरी यी हरफहरू लेख्ने सङ्घर्ष गरेका थिए, “परमेश्वरको भलाइको संवेगले म अभिभूत भएको छु ।”    

Leave Your Comments Here.