मण्डलीमा बजेका घण्टीहरूको आवाज सुनेर शत्रुहरू भागे

फ्रान्सेली सम्राट् नेपोलियन बोनापार्टले युरोपको कामकाजमा उन्नाइसौँ शताब्दीको प्रारम्भमा झण्डै एक दसकसम्म कब्जा जमाएका थिए ।

मध्य युरोपेली मुलुक अस्ट्रियाको फेल्डकर्च नामक सहरका बासिन्दाहरू के गर्ने भनेर अन्यौलमा थिए । नेपोलियन बोनापार्टका विशाल सेनाले त्यहाँ आक्रमण गर्ने तयारी गर्दै थिए । उक्त सानो सहरको सिमानाका टाकुराहरूमा नेपोलियनका सिपाहीहरू तैनाथ भइसकेका थिए । हतार–हतारमा नागरिक परिषद् बोलाइयो, तिनीहरू प्रतिरक्षाको लागि तयार हुने वा सेतो झण्डा हल्लाउँदै आत्म समर्पण गर्ने भनी निधो गर्न । यो प्रभु येशूको पुनरुत्थानको सम्झनास्वरूप उत्सव मनाइने इस्टर सन्डेको दिनमा भएको थियो । मानिसहरू स्थानीय मण्डलीमा भेला भएका थिए ।

पास्टर खडा भई तिनले यसो भने, “प्रिय मित्रहरू, हामी आफ्नै शक्तिमा अगाडि बढिरहेका छौँ र त्यो प्रयास असफल भएको प्रस्टै छ । आज प्रभुको पुनरुत्थानको दिन भएकोले केवल घण्टीहरू बजाऔँ; नियमित सङ्गति गरौँ अनि बाँकी जिम्मा परमेश्वरको हातमा सुम्पौँ । हामीलाई हाम्रो कमजोरी मात्र थाहा छ तर हाम्रो प्रतिरक्षा गर्नुहुने परमेश्वरको शक्ति थाहा छैन ।” पास्टरको योजनालाई मानिसहरूले स्वीकार गरे अनि तिनीहरूले मण्डलीका घण्टीहरू बजाए । शत्रुहरूले अकस्मात् त्यस्तो आवाज सुनेपछि सहरको प्रतिरक्षाको लागि रातमा अस्ट्रियाका सेना आइपुगे भन्ने निष्कर्ष निकाले । सेवा टुङ्गिनुअगावै बोनापार्टका सेना त्यहाँबाट प्रस्थान गरे ।     

Leave Your Comments Here.