सृष्टिबारे ८ ओटा भनाइहरू

जति धेरै म प्रकृतिको अध्ययन गर्दछु त्यति नै धेरै म परमेश्वरको कामदेखि छक्क पर्दछु ।

लुई पास्चर, रसायनशास्त्रीसाथै सुक्ष्म–जीवशास्त्री

हामीलाई भुल गर्नदेखि रोक्न अध्ययनको लागि हाम्रो सामु दुई ओटा पुस्तक राखिएका छन् । पहिलो, धर्मशास्त्रको ठेली हो जसले परमेश्वरको इच्छालाई प्रकट गर्छ र दोस्रोमा, सृष्टिको ठेली हो जसले उहाँको शक्तिलाई प्रदर्शन गर्दछ ।

फ्रान्सिस बेकन, दार्शनिक, वैज्ञानिकसाथै लेखक

नास्तिकवाद अति नै बेवकुफ छ । जब म सौर्य प्रणालीलाई हेर्छु सही मात्रामा ताप र प्रकाश पाउनलाई पृथ्वी सूर्यदेखि ठिक दुरीमा देख्छु । यो संयोगवश: भएको थिएन ।

सर आइज्याक न्युटन, भौतिकशास्त्रीसाथै गणितज्ञ

हे परमेश्वर, तपाईंको पछि लागेर म तपाईंका विचारहरूमाथि मनन गर्दै छु ।

जोहानन केप्लर, गणितज्ञसाथै खगोलविद्

परमेश्वरको पहिलो सृष्टि ज्योति थियो ।

फ्रान्सिस बेकन, दार्शनिक, वैज्ञानिकसाथै लेखक

सूर्य, ग्रह र पुछ्रेताराहरूको यो ज्यादै सुन्दर प्रणाली बौद्धिक र शक्तिशाली व्यक्तित्वका बुद्धिबाट मात्र आउन सक्छ ।

सर आइज्याक न्युटन, भौतिकशास्त्रीसाथै गणितज्ञ

जब म प्रस्ट दूरदर्शक यन्त्रहरूले प्राचीनसाथै हालै पत्ता लागेका ताराहरू र ग्रहहरूको अवलोकन गर्दछु; जब म उत्कृष्ट सुक्ष्म–दर्शक यन्त्रहरूले प्रकृतिको अचम्मको कारिगरीको नक्कल गर्न नसकिने निपुणतालाई बुझ्दछु; र, जब म शरीर चिरफार गर्ने चक्कुहरू र रासायनिक भट्टिहरूको ज्योतिको मदतले प्रकृतिको पुस्तकलाई अध्ययन गर्दछु तब मैले आफूलाई प्रायश: भजनका लेखकसँगै पाउँछु जसले भनेका छन्, “हे परमप्रभु, तपाईंका कार्यहरू अनेक छन्, आफ्नो बुद्धिमा तपाईंले ती सबै रच्नुभयो ।”

रोबर्ट बोएले, रसायनशास्त्री, दार्शनिकसाथै अन्वेषक  

सीमित मानिसले सर्वव्यापी, सर्वज्ञानी, सर्वशक्तिमान् र असीमित परमेश्वरलाई राम्ररी बुझ्न सक्दैन । ... परमेश्वरलाई विश्वासद्वारा स्वीकार गर्नु नै उत्तम हुन्छ जो परम चेतना हुनुहुन्छ अनि भलाइ र बुद्धिमा सिद्ध हुनुहुन्छ र जसले आफूलाई आफ्नो सृष्टिद्वारा प्रकट गराउनुभएको छ ।

भोन बारुण, रकेट इन्जिनियरसाथै रचनाकार 

Leave Your Comments Here.