एक
जना ख्रीष्टियान मिसनरी
विमानमा बसिरहेका थिए ।
राम्ररी लुगा मिलाएर
लगाएका जवान मानिस
पनि तिनीसँगै थिए
। तिनीहरूले बातचित
थाले ।
“जिउनको
लागि तपाईं के
गर्नुहुन्छ ?” भनी मिसनरीले
सोधे ।
जवान
केटोको जवाफ थियो,
“म एउटा ठुलो
व्यापार गर्दछु ।”
“म
पनि एउटा ठुलै
काममा छु”, भनी
मिसनरीले बताए ।
“मैले
अमेरिकाभरि नै मेरो
व्यापारलाई फैलाएको छु”, ती
जवानले गर्व गर्दै
भने ।
“मेरो
कामको लागि मैले
संसारको चारैतिर यात्रा गरेको
छु”, मिसनरीले व्यक्त
गरे ।
जवान
मानिसले यसो भन्दै
कुराकानीलाई अगाडि बढाए, “म
मेरा पितासित सहकार्य
गरेर काम गर्दछु
। उहाँ करोडपति
हुनुहुन्छ ।”
मुस्कुराउँदै
मिसनरीले भने, “म पनि
मेरा पितासित सहकार्य
गर्दछु । उहाँ
करोडपतिको पनि करोडपति
हुनुहुन्छ ।”
जवान
मानिस थाकेनन्, “अधिकांश
राज्यमा हाम्रा प्रतिनिधिहरू छन्
।”
मिसनरीले
भने, “संसारका प्राय:
हरेक राष्ट्रमा हाम्रा
प्रतिनिधिहरू छन् ।”
यति
बेलासम्म त जवान
मानिस छक्क परिसकेका
थिए । मिसनरीले
के काम गर्दारहेछन्
भनी जान्न तिनी
उत्सुक भइसकेका थिए ।
त्यसैले तिनले सोधे, “वास्तवमा,
तपाईंले कामचाहिँ के गर्नुहुन्छ
?”
मिसनरीले
आफ्नो कामको बारेमा
व्याख्या गरेपछि जवान मानिसले
प्रतिक्रिया दिए, “तपाईं एउटा
ठुलो काम मात्र
हुनुहुन्न । तपाईंले
त महानतम काम
गर्दै हुनुहुन्छ !”
