ख्रीष्टियानहरूलाई घृणा गर्ने आतङ्ककारी सलिम ख्रीष्टियान प्रेमद्वारा बद्लिए

ख्रीष्टाब्द २००९ मा कमल सलिमको एउटा कृति प्रकाशित भयो: द ब्लड अफ ल्याम्ब्स । किताबमा उल्लेख भएअनुसार तिनी पहिले एक आतङ्ककारी थिए र तिनले इस्राएल र अमेरिकालाई घृणा गर्थे । ख्रीष्टियान, यहूदी र अमेरिकनहरूको हत्या गरेर तिनी सहिद हुनुपथ्र्यो भनी लेबनानमा मुसलमान परिवारमा जन्मेका सलिमलाई सानै उमेरदेखि सिकाइएको थियो । मार्नु नै तिनको जीवनको लक्ष्य बनेको थियो । तर एउटा नाटकीय घटनाले तिनले आफ्नो दृष्टिकोणलाई पुनरावलोकन मात्र गरेनन् तर बदले पनि ।

सलिम गम्भीर कार दुर्घटनामा परेपछि तिनले तिन जना दयालु ख्रीष्टियानलाई भेट्ने मौका पाए जसबाट तिनले वास्तवमै परमेश्वरको प्रेमको बारेमा जान्ने अवसर पाए । तिनले लेखेका छन्, “अल्लाह, तपाईंले मलाई प्रेम गर्नुभएको सुन्न चाहन्छु म । तपाईं वास्तविक हुनुहुन्छ भने मसित बोल्नुस् ।” तिनी जारी राख्छन्, “मैले मेरा सारा आशा र विश्वास मेरो प्रार्थनामा खन्याएँ । तर त्यहाँ मौनतासिवाय केही थिएन । मलाई गहन निराशाले ढाक्यो । मेरो सारा जीवन एउटा व्यर्थको छद्य्मवेशी बनेको थियो ।” निराशाको आँधीमा तिनले आफ्नै ज्यानसमेत लिन खोजेका थिए तर एक पटक तिनले साँचो परमेश्वरलाई गुहार्न चाहे, “तपाईं वास्तविक हुनुहुन्छ भने म तपाईंलाई चिन्न चाहन्छु ।”

दर्शन मुसलमानहरू ख्रीष्टकहाँ आउने एउटा माध्यम बनेको छ जुन सलिमको जीवनमा पनि लागु हुन्छ । तिनले दर्शनमा यी शब्दहरू सुनेका थिए, “म अल्फा र ओमेगा हुँ । संसारको उत्पत्तिभन्दा अगिदेखि नै मैले तँलाई चिनेको छु ।” सलिमले जवाफ दिए, “हे प्रभु, म तपाईंको निम्ति जिउनेछु र तपाईंको निम्ति मर्नेछु ।” तिनले पछि जे सुने त्यसले तिनलाई सदाको निम्ति परिवर्तन गरिदियो, “मेरो लागि नमर् । तँ बाँच्न सकोस् भनेर म तेरो निम्ति मरिसकेँ ।” तिनी ख्रीष्टियान परमेश्वरसित जम्काभेट गर्दै थिए भनी त्यही क्षणदेखि तिनले थाहा पाए । तिनले आफ्नो सृष्टिकर्तालाई फेला पारे ।

यसरी आफ्नो जीवन आतङ्कवादको निम्ति बलिदान गर्न चाहेका सलिमले ख्रीष्टियानहरूको प्रेम र साँचो परमेश्वरको दर्शनद्वारा संसारको मुक्तिदाता येशू ख्रीष्टलाई भेट्टाए । 

  

Leave Your Comments Here.