बाइबल आज पनि संसारमा सबैभन्दा बेसी बिक्री–वितरण हुन सफल पुस्तक हो

ख्रीष्टाब्द १७३७ मा ग्रेट ब्रिटेनमा जन्मेका थोमस पाइने प्रभावशाली लेखक थिए । पाइनेद्वारा लिखित एउटा कृतिको नाउँ हो, द एज अफ रिजन (अर्थात् कारणको युग) । यस पुस्तकमा लेखकले ख्रीष्टियानहरूको पवित्रशास्त्र बाइबलको वैधानिकतामाथि प्रश्न तेर्साउनुका अतिरिक्त ख्रीष्टको स्थानापन्न मृत्युलाई “अन्वेषण” भनेका छन् । येशू ख्रीष्ट मानव–जातिको पापको सट्टामा मर्नुभयो भन्ने बाइबलीय शिक्षालाई ख्रीष्टको स्थानापन्न मृत्यु भनिन्छ । यो शिक्षा एउटा मुख्य ख्रीष्टियान विश्वासभित्र पर्दछ । तर पाइनेले यही शिक्षामाथि आक्रमण गरेका थिए । यति मात्र होइन मानिसहरूले बाइबालको साटो तिनको पुस्तकलाई पढ्नेथिए भनेर पनि तिनले भविष्यवाणी गरेका थिए । तिनको पुस्तकले बाइबललाई विस्थापित गर्छ भनी तिनले हाँक दिएका थिए ।

तर के भयो ? के तिनको अनुमान सही साबित हुन आइपुग्यो ? इतिहासले तिनको अपेक्षालाई पुरा गरिदिएन । सायद, पहिलो पटक तपाईंले यस पुस्तकको नाउँ सुन्दै हुनुहुन्छ ।

तर बाइबल आज पनि संसारमा सबैभन्दा बेसी बिक्री–वितरण हुन सफल पुस्तक हो । युनाइटेड बाइबल सोसाइटिजले ख्रीष्टाब्द १९९८ सम्ममा धर्मशास्त्रको अंशसाथै छनौटलाई जोड्दा ५ अरब ८५ करोड बाइबलका प्रतिहरूलाई वितरण गरेको थियो । गिदोन्स इन्टरनेसनल नामक संस्थाले मात्रै ख्रीष्टाब्द १९०८ देखि १ अरब ८० करोडको सङ्ख्यामा पुरै बाइबल वा नयाँ करारलाई वितरण गरेको थियो । पुरै बाइबल, नयाँ करार वा बाइबलका अंशहरू हालसम्म लगभग ७ अरबभन्दा बेसी बिक्री–वितरण भएको छ भनी अनुमान गरिएको छ ।

Leave Your Comments Here.