अन्तरिक्षयात्री विलियम्सले अन्तरिक्षमा नै बाइबलको वचन पढे

जेफ्री विलियम्स नासाका अन्तरिक्षयात्री हुन् । तिनको जन्म ख्रीष्टाब्द १९५८ मा अमेरिकामा भएको हो । तिनी एक समर्पित ख्रीष्टियान हुन् । अन्तरिक्षमा मा नै तिनले भजनसंग्रह २४ का वचनहरू पढेका थिए जसको पहिलो पदमा लेखिएको छ, “पृथ्वी र त्यसमा भएका जो–जति छन् सबै परमप्रभुका हुन्, संसार र त्यसमा वास गर्नेहरू सबै उहाँकै हुन् ।” ५८ वर्षका विलियम्सले गत इस्टरको दिन अर्थात् मार्च २७ मा ट्विट गरेका थिए जसमा तिनी सृष्टिकर्ताको कार्यमा उहाँका शक्ति र सुन्दरता देखेर छक्क परेका थिए ।

नासा वा नासाजस्तै संस्थामा काम गर्नेहरूको झुकाव नास्तिकवादतर्फ हुन्छ भन्ने साधारण विचार भए तापनि जेफ्रीकाअनुसार त्यो साँचो होइन । यस्ता संस्थाहरूमा काम गर्नेहरू पनि धेरै जना ख्रीष्टियान छन् जो परमेश्वरको सृष्टिदेखि तिनछक पर्छन् । तिनकाअनुसार बाइबल र विज्ञानको बिचमा द्वन्द्व देख्नहरू ती मानिस हुन् जसले परमेश्वरको अस्तित्वलाई स्वीकार गर्न इन्कार गरेका छन् । तिनले भनेका छन्, “यदि तपाईंसित परमेश्वरको सम्भाव्यतालाई निषेध गर्ने, अलौकिक कार्यहरूलाई निषेध गर्ने र हरेक कुरो प्राकृतिक प्रक्रियाद्वारा व्याख्या गरिनुपर्छ भन्ने पूर्वाग्रह छ भने विज्ञानको वस्तुगत अवलोकनले के गर्न सक्छ भन्ने सम्बन्धमा तपाईंले त्यसलाई आधारभूत रूपमा सीमित पार्नुभएको छ ।” 

अन्तरिक्ष यात्राबाट फर्केपछि विलियम्सले एउटा किताब लेखे: द वर्क अफ हिज हयान्ड्स: अ भिऊ अफ गड्स क्रिएसन फ्रम स्पेस । यो किताब तिनले अन्तरिक्षमा बटुलेको तिनको अनुभवसित सम्बन्धित छ । यसमा तिनले ईश्वरीय प्रबन्ध, सृष्टिप्रति परमेश्वरको हेरचाह र विश्वको रचनामा देखिएको उहाँको बुद्धिबारे उल्लेख गरेका छन् ।  

Leave Your Comments Here.