सत्रौँ शताब्दीका प्रसिद्ध ख्रीष्टियान वैज्ञानिक ब्लाइज पास्कलको बाजी

असाधारण प्रतिभा भएका ब्लाइज पास्कल सत्रौँ शताब्दीका गणितज्ञ, भौतिकशास्त्री, दार्शनिक, अन्वेषक, लेखक, ईश्वरशास्त्री र ख्रीष्टियान रक्षाशास्त्री थिए । पास्कलको एउटा महत्त्वपूर्ण तर्कलाई पास्कलको बाजी भनेर चिनिन्छ । तर यो बाजी क्रिकेटको म्याच कसले जित्छ भन्ने कुरोसित सम्बन्धित छैन न त कुनचाहिँ उम्मेदवार राष्ट्रपति बन्छ भन्ने कुरोसित सम्बन्धित छ । यो बाजी तपाईंको अनन्त गन्तव्यसित सम्बन्धित छ । यो यस्तो बाजी हो जहाँ तपाईंले घाटा बेहोर्नुपर्दैन । यी वैज्ञानिकका अनुसार परमेश्वर अस्तित्वमा हुनुहुन्छ भन्ने पक्षमा तपाईंले बाजी थाप्नुभयो र उहाँ वास्तवमै हुनुहुन्छ भने तपाईंले अनन्त जीवन र असीमित खुसी पाउनुहुनेछ । तर उहाँ अस्तित्वमा हुनुहुन्न भने तपाईंले केही पनि गुमाउनुहुन्न । अर्कोतिर, परमेश्वर अस्तित्वमा हुनुहुन्न भन्ने पक्षमा कसैले बाजी थाप्छ र उहाँ अस्तित्वमा हुनुहुन्छ भने उसले अनन्त दण्ड भोग्नुपर्ने हुन्छ । उहाँ वास्तवमै अस्तित्वमा हुनुहुन्न भने उसले बाजी त जित्छ तर त्यसमा उसलाई केही लाभ हुँदैन । तसर्थ, एउटै मात्र बुद्धिमानी छनौट भनेको परमेश्वर अस्तित्वमा हुनुहुन्छ भनी विश्वास गर्नु हो ।  

Leave Your Comments Here.