ख्रीष्टियानहरू मृत्युमाथि विजय हासिल गर्नुभएका जीवित मुक्तिदातालाई पुज्छन्

भारतको उत्तरी क्षेत्रको कुनै एउटा बजारमा एक जना ख्रीष्टियान मिसनरी प्रचार गर्दै थिए । प्रवचनको अन्त्यमा एक जना मुसलमान अगाडि बढे र तिनले यसो भने, “हामीसित एउटा कुरो छ जुन तपाईंहरूसित छैन भनी तपाईंले स्वीकार गर्नैपर्छ र त्यो कुरो तपाईंहरूसित भएको कुनै पनि कुराभन्दा राम्रो छ ।”

मिसनरीले मुस्कुराउँदै जान्न चाहे, “त्यो के होला भनी जान्न पाएँ म खुसी हुनेथिएँ ।”

ती मुसलमानले भने, “तपाईंलाई थाहा छ कि हामी मक्कामा जाँदा कम से कम हामी कफिन बाकसलाई देख्छौँ । तर तपाईं ख्रीष्टियानहरू यरूशलेम अर्थात् तपाईंहरूको मक्कामा जानुहुँदा तपाईंले रित्तो चिहानसिवाय केही पनि देख्नुहुन्न ।”

मिसनरीले फेरि मुस्कुराउँदै भने, “त्यही नै हो भिन्नता । मुहम्मद मृत छन् । तिनी कफिन बाकसमा छन् । झुटा धर्म र दर्शनशास्त्रहरू कफिनको बाकसभित्र छन् । तर येशू ख्रीष्ट जसको राज्यमा सबै जाति, कुल, भाषाका मानिसहरू अटाउँछन् उहाँ यहाँ हुनुहुन्न । उहाँ बौरी उठ्नुभएको छ । स्वर्ग र पृथ्वीका सबै अधिकार उहाँलाई दिइएका छन् । त्यो नै हाम्रो आशा हो ।”

Leave Your Comments Here.