परमेश्वरको इच्छा पूरा गर्नेचाहिँ सधैँको निम्ति रहन्छ

उन्नाइसौँ शताब्दीको पूर्वाद्धमा इङ्गल्यान्डको योर्कसाएरमा टेलरको परिवारमा दुई जना छोरा जन्मेका थिए । जेठोचाहिँ संसदमा प्रवेश गरी आफ्नै नाउँ राख्न कस्सिए भने कान्छोचाहिँले आफ्नो जीवन ख्रीष्टको निम्ति अर्पण गर्ने छनौट गरे ।

कान्छोचाहिँले पछि स्मरण गरे, “मलाई राम्ररी याद छ । मैले मेरो जीवन, मेरा साथीहरू, मेरा सबै थोक वेदीमाथि राखेँ । लाग्थ्यो, म परमेश्वरको उपस्थितिमा थिएँ । मैले सर्वशक्तिमान्सित करार बाँधेको थिएँ ।” यस्तो प्रतिबद्धता गर्ने व्यक्ति अरू कोही नभएर हडसन टेलर थिए । तिनले आफ्नो मुहार चीनतिर फर्काए । तिनी त्यस देशमा मिसनरी भएर गए र तिनले चाइना इनल्यान्ड मिसनको स्थापना गरे जसलाई हाल ओएमएफ इन्टरनेसनल भनेर चिनिन्छ । ख्रीष्टाब्द १८६५ मा तिनीद्वारा स्थापित यस संस्थाले ८०० भन्दा बेसी मिसनरीहरूलाई चीनमा झित्र्याउन महत्त्वपूर्ण भूमिका मात्र निभाएन तर यस संस्थामार्फत हजारौँ मानिसहरूले आफ्नो जीवन प्रभु येशूमा सुम्पेका पनि छन् । ५१ वर्ष चीनको भूमिमा बिताएका टेलरको बलिदानको लागि तिनी विश्वभर परिचित छन् । 

तर अर्को छोरोले दिगो प्रभाव पार्न सकेनन् । तिनले के–कस्ता काम गरे भनी तपाईंले विश्वकोशमा हेर्नुभयो भनी तपाईंले केवल यी शब्दहरू पाउनुहुन्छ, “हडसन टेलरका दाजु ।”

बाइबलले भन्छ, “संसार बितिजान्छ र त्यसको अभिलाषा पनि बितिजान्छ, तर परमेश्वरको इच्छा पूरा गर्नेचाहिँ सधैँको निम्ति रहन्छ” (१ यूहन्ना २:१७) । हडसन टेलरले परमेश्वरको इच्छा पुरा गरे । त्यसैले, तिनको नाउँ आज पनि चम्किरहेको छ ।   

Leave Your Comments Here.