परमेश्वरले कानेखुसी गर्नुभयो, “मेरो छोरो, तिमी अझै घरमा आइपुगेका छैनौ”

लेखिका अन्ने ग्राहमले हयाभेन माई फादर्स हाउस नामक आफ्नो पुस्तकमा एक जना मिसनरीको कथा बताइएकी छन् ।

समुएल मोरिसन अफ्रिकामा मिसनरी भएर गएका थिए जहाँ तिनले २५ वर्ष बिताए । तिनी पानी जहाजबाट अमेरिका फर्कंदै थिए जुन जहाजमा अमेरिकाका छब्बिसौँ राष्ट्रपति थियोडोर रुजरभेल्ट (१५५८–१९१९) पनि अफ्रिकामा शिकार गरेर आउँदै थिए । पानी जहाज बन्दरगाहमा उत्रेपछि राष्ट्रपतिको स्वागतको निम्ति मानिसहरूको भिड लागेको थियो । मानिसहरूको भिडलाई पन्छाउन प्रहरीहरूलाई हम्मेहम्मे परिरहेको थियो । मिसनरीचाहिँ एकलै बाहिरिए । कसैले तिनलाई ध्यान दिएन । तिनी त्यहाँ थिए वा थिएनन् भनी कसैलाई वास्तै थिएन ।

आफ्नो ह्दयमा मोरिसनले परमेश्वरलाई गुनासो पोखे, “राष्ट्रपति अफ्रिकामा तिन हप्तासम्म बसे । तिनी शिकार गर्न गएका थिए जहाँ तिनले खेलको लागि जनावरहरू मारे । घर फर्कंदा तिनको स्वागतको निम्ति सारा संसार नै उर्लेर आएको छ । मैले तपाईंको सेवा गर्दै अफ्रिकामा मेरो जीवनको पच्चिस वर्ष बिताएँ र कसैले मलाई अभिवादन पनि गरेको छैन र तिनीहरू मेरो बारेमा अन्जान छन् ।”

प्रश्न गरिरहेको ह्दयमा तिनले सुमधुर आवाज सुने । परमेश्वरको प्रेमिलो आवाजले तिनको आत्मामा कानेखुसी गर्दै हुनुहुन्थ्यो, “मेरो छोरो, तिमी अझै घरमा आइपुगेका छैनौ ।”   

Leave Your Comments Here.