प्रहरीहरूले चौकीमा नै येशूको फिल्म हेरे

केही ख्रीष्टियानहरू जम्मा भई एउटा साहसपूर्ण कदमको लागि प्रार्थना गरे र तिनीहरूले एउटा निषेधित देशको ३५ ओटा गाउँमा येशूको फिल्म, बाइबलसाथै जोस म्याकडोलद्वारा लिखित मोर देन अ कार्पेन्टर नामक पुस्तकहरू वितरण गर्ने आँट गरे । ती सामग्रीहरू कसलाई दिने होला भनी सुरुमा त तिनीहरू त्रसित बनेका थिए ।

तिनीहरू आफ्नो काममा अगाडि बढिरहँदा मध्यान्हको समयमा बन्दुक बोकेका केही प्रहरीहरूले तिनीहरूलाई रोके । प्रहरीहरूले कारमा खोज तलास गरे अनि ती प्रभुका सेवकहरूलाई चौकीमा ल्याए । तिनीहरूले ती सामग्रीहरूको गणना गरे अनि ती ख्रीष्टियानहरूलाई तल्लो कोठामा बन्द गरिदिए । 

एक घण्टाजति बितेपछि ती विश्वासीहरू छक्क परे किनकि तिनीहरूले माथिल्लो तलामा प्रहरीहरूले येशूको फिल्म हेरिरहेको आवाज सुने । प्रभुको स्तुति होस् ! थुनामा भए तापनि विश्वासीहरू आनन्दित भए । त्यसपछि तिनीहरूले चौकी प्रमुख आएको थाहा पाए अनि फिल्मको आवाज रोकियो । तरै पनि तिनको प्रस्थानलगत्तै ती प्रहरीहरूले फिल्मको पुन: आरम्भ गरेको पत्तो पाए ती विश्वासीहरूले ।

भोलीपल्ट विश्वासीहरूका सामग्रीहरूसहित तिनीहरूलाई छाड्ने निर्णय गरियो । तिनीहरू जानलाई तयार गरिरहँदा दुई जना प्रहरी अगाडि बढी येशूको फिल्मको डीभीडीको लागि अनुरोध गरे । अर्का एक जना पनि अगाडि बढी यसो भने, “तपाईंले मेरा मित्रलाई डीभीडी दिनुभयो । मलाई पनि एउटा दिनुहुन्छ कि ?” अरू १० जना प्रहरीले पनि त्यसै गरे । अन्त्यमा, ती विश्वासीहरूले सबै २५० ओटा डीभीडी र पुस्तकहरू ती प्रहरीहरूलाई दिए ।  

Leave Your Comments Here.