येशूले पूर्वराष्ट्रपति किमलाई अपहरणकारीहरूबाट विस्मयकारी ढङ्गमा बचाउनुभयो

किम दक्षिण कोरियाका आठौँ राष्ट्रपति हुन् जसले ख्रीष्टाब्द १९९८–२००३ सम्म शासन गरेका थिए । ख्रीष्टाब्द २००० मा नोबेल शान्ति पुरस्कार जितेका किमलाई “एसियाको नेल्सन मन्डेला” भनेर पनि चिनिन्छ ।

ख्रीष्टाब्द १९२४ मा दक्षिण कोरियामा जन्मेका किम ८ अगस्ट १९७३ मा अपहरणमा परे । दक्षिण कोरियाका तत्कालीन राष्ट्रपतिसाथै तानाशाह पार्क चुङ्ग हिको कार्यक्रमको आलोचना गरेकोले किमलाई जापानको राजधानी टोकियोको होटलबाट अपहरण गरिएको थियो । उक्त अपहरणमा पर्दा परमेश्वरले तिनलाई कसरी अचम्म तरिकाले बचाउनुभएको थियो भनी ख्रीष्टाब्द २००० मा नोबेल शान्ति पुरस्कार हात पार्दा तिनले जानकारी गराएका थिए:

परमेश्वर सधैँ मसँग हुनुहुन्छ भन्ने विश्वाससहित म बाँचेको छु र म त्यसलाई निरन्तरता दिनेछु । १९७३ को अगस्टमा म जापानमा निर्वासित हुँदा दक्षिण कोरियाको सैनिक सरकारका इन्टेलिजेन्स प्रतिनिधिहरूद्वारा टोकियोको होटलबाट मलाई अपहरण गरियो । त्यस घटनाको समाचारले संसारलाई चकित तुल्यायो । ती प्रतिनिधिहरूले मलाई समुद्रीतटमा रोकिराखेको तिनीहरूको डुङ्गामा लगे । तिनीहरूले मलाई बाँधे; मेरा आँखा छोपिदिए अनि मेरो मुख बन्द गरिदिए । तिनीहरूले मलाई डुङ्गाबाट फ्याँक्नै खोज्दा येशू ख्रीष्ट मेरो सामु स्पष्ट रूपमा देखिने गरी प्रकट हुनुभयो । म उहाँमा टाँसिएँ र मलाई बचाउन मैले उहाँलाई बिन्ती चढाएँ । ठिक त्यही क्षणमा, मृत्युको क्षणबाट मलाई बचाउन आकाशबाट एउटा विमान ओर्लियो ।

        

Leave Your Comments Here.