विमानका आविष्कारक राइट दाजुभाइले यसरी ख्रीष्टमसको अपेक्षा गरेका थिए

दुनियाँले चिनेका दाजुभाइ हुन्, राइट दाजुभाइ । विल्बर र ओर्भिल क्रमश: दाजु र भाइ थिए । यी राइट दाजुभाइले संसारलाई यस्तो अनुपम उपहार दिएर गए जसको प्रयोगद्वारा आज हामी सजिलैसित चराझैँ आकाशमा उड्न सफल भएका छौँ । एउटा देशदेखि अर्को देशमा जान हामीले महिनौँ बिताउनु पर्दैन । केही घण्टाभित्रमा नै हामी आफ्नो गन्तव्यमा पुग्न सक्छौँ ।

यी राइट दाजुभाइ विमान आविष्कारक हुन् । अमेरिकाका यी दाजुभाइले नै पहिलो सफल विमानको आविष्कार गरेका थिए । १७ डिसेम्बर १९०३ मा हावाभन्दा गरुङ्गो वस्तुलाई यिनीहरूले पहिलो पटक आकाशमा उडाएका थिए जसलाई यिनीहरूले नियन्त्रण गर्न सक्थे ।

आफ्नो सफलतादेखि खुसीले गद्गद् भएका दाजुभाइले तिनीहरूकी दिदी क्याथरिनलाई तिनीहरूले यस्तो सन्देश पठाए, “हामी वास्तवमै १२० फिटसम्म उडेका छौँ । हामी ख्रीष्टमसको लागि घरमा आउनेछौँ ।” 

क्याथरिन हतारसँग स्थानीय अखबारको सम्पादककहाँ पुगिन् र उनले आफूले भाइहरूबाट पाएको सन्देश देखाइन् । सम्पादकले त्यसलाई सरसरती हेरेर प्रतिक्रिया दिए, “कति खुसीको कुरो ! केटाहरू ख्रीष्टमसको लागि घर आइपुग्ने भएछन् ।” राइट दाजुभाइले दिन खोजेको अद्भूत खबर (आकाशमा उड्नु) लाई सम्पादकले पूर्णत: गुमाएका थिए । 

तथापि त्यस्तो अद्भूत सफलता हात पार्दाको क्षणमा पनि राइट दाजुभाइले ख्रीष्टमसको अपेक्षा भने गरिरहेका थिए ।   

Leave Your Comments Here.