ख्रीष्टमसबारे १३ ओटा भनाइहरू (भाग २)

ख्रीष्टमसको आत्माले तपाईंमा शान्ति ल्याओस्; ख्रीष्टमसको प्रसन्नताले तपाईंमा आशा ल्याओस्; ख्रीष्टमसको न्यायोपनाले तपाईंमा प्रेम ल्याओस् ।

एनोन

ख्रीष्टमस परमेश्वर र परिवारको प्रेमको उत्सव मनाउने अनि सदाको निम्ति जारी रहने यादगरहरूको सृजना गर्ने सिद्ध समय हो । येशू परमेश्वरको सिद्ध, अवर्णनीय उपहार हुनुहुन्छ । उदेकको कुरो यो हो कि हामी यसलाई प्राप्त गर्न मात्र सक्षम छैनौँ तर ख्रीष्टमससाथै वर्षको कुनै पनि दिनमा हामी यो अरूहरूलाई बाँड्न पनि सक्छौँ ।

जोएल ओस्टिन, लेखक, वक्तासाथै पास्टर

ख्रीष्टमस प्रतिज्ञा हो भने इस्टर प्रमाण हो ।

अज्ञात

ख्रीष्टमसका उपहारहरू: तपाईंको शत्रुलाई, क्षमा; विरोधीलाई, सहनशीलता; मित्रलाई, तपाईंको ह्दय; ग्राहकलाई, सेवा; सबैलाई, सौहाद्र्रता; हरेक बच्चालाई, असल उदाहरण; आफैलाई, आदर ।

ओरेन अर्नोल्ड

ख्रीष्टमसको आत्माको ठाउँमा ख्रीष्टको आत्मालाई नियुक्त गरिनुपर्छ । ख्रीष्टमसको आत्मा वार्षिक हो; ख्रीष्टको आत्मा अनन्त हो । ख्रीष्टमसको आत्मा भावात्मक हो; ख्रीष्टको आत्मा अलौकिक हो । ख्रीष्टमसको आत्मा मानवीय उत्पादन हो; ख्रीष्टको आत्मा ईश्वरीय व्यक्तित्व हुनुहुन्छ ।

स्टाउर्ट ब्रिस्को

उहाँले हाम्रो रूप धारण गर्नुभयो ताकि उहाँले हामीलाई उहाँजस्तै बनाउन सकून् ।

अगस्टिन, ख्रीष्टियान दार्शनिक, लेखकसाथै ईश्वरशास्त्री 

हरेक कुरा जान्नुहुने र सारा विश्वलाई सृजनुहुने अनन्त व्यक्तित्व मानिस मात्र नभई बच्चा पनि हुनुभयो र त्यसभन्दा पहिले स्त्रीको शरीरभित्र भ्रूण बन्नुभयो ।

सी. एस. लेविस, साहित्यकारसाथै ख्रीष्टियान रक्षाशास्त्री

ह्दयमा ख्रीष्टमस नमनाउनेले यसलाई कहिल्यै पनि रुखमुनि फेला पार्नेछैन ।

रोय एल. स्मिथ

ख्रीष्टमस कुनै दिन या उत्सव मात्र होइन जसलाई मनायो अनि चाँडै बिर्सिदियो । यो एउटा आत्मा हो जुन हाम्रा जीवनको हरेक भागमा व्याप्त हुनुपर्छ ।

विलियम पार्कस

साधारण गोठालाहरूले स्वर्गदूतको आवाज सुने अनि तिनीहरूले आफ्नो थुमालाई फेला पारे । बुद्धिमान् मानिसहरूले ताराको प्रकाश देखे अनि तिनीहरूले आफ्नो बुद्धिलाई फेला पारे ।

फुल्टन जे. सिन, प्रधान बिशप

ख्रीष्टमसमा परमेश्वरले तपाईंलाई ज्योति दिऊन्, जुन विश्वास हो । ख्रीष्टमसको न्यानोपना दिऊन्, जुन प्रेम हो । ख्रीष्टमसको चमक दिऊन्, जुन शुद्धता हो । ख्रीष्टमसको धार्मिकता दिऊन्, जुन न्याय हो । ख्रीष्टमसमा विश्वास दिऊन्, जुन सत्यता हो । ख्रीष्टमसका सारा कुराहरू दिऊन्, जुन ख्रीष्ट हुनुहुन्छ ।

विल्डा इङ्गलिस

मानिसहरू परमेश्वरका सन्तान हुन सकुन् भनेर परमेश्वरका पुत्र मानिस बन्नुभयो ।

सी. एस. लेविस, साहित्यकारसाथै ख्रीष्टियान रक्षाशास्त्री

बेथलेहेमको डुँडमार्फत ख्रीष्टको आगमन अनौठो र आश्चर्यजनक देखिन्छ । तर जब हामी उहाँलाई डुँडबाट निकाली हाम्रा ह्दयभित्र स्वागत गर्छौं तब अर्थ लाग्छ अनि अनौठोपना गायब भएर जान्छ ।

सी. नेइल स्ट्रेट

Leave Your Comments Here.