पूर्वअमेरिकी राष्ट्रपति जिम्मी कार्टरले भने, “म येशू ख्रीष्टको आराधना गर्दछु”

जिम्मी कार्टर संयुक्त राज्य अमेरिकाका उनन्चालिसौँ राष्ट्रपति हुन् जसले ख्रीष्टाब्द १९७७–१९८१ सम्म सेवा गरेका थिए । कार्टर सेन्टर नामक गैरसरकारी संस्थामा तिनले पुर्‍याएको योगदानको तारिफ गर्दै ख्रीष्टाब्द २००२ मा तिनलाई नोबेल शान्ति पुरस्कार प्रदान गरिएको थियो ।

पुरस्कार प्राप्त गर्दा तिनले दिएको उपदेश यस्तो थियो:

म येशू ख्रीष्टको आराधना गर्दछु जसलाई हामी ख्रीष्टियानहरू शान्तिको राजकुमार मान्छौँ । यहूदीको रूपमा उहाँले हामीलाई सेवा र प्रेममा धार्मिक सीमानाहरू पार गर्न सिकाउनुभयो । उहाँले पटक–पटक हाम्रा रोमी विजेताहरू, अरू अन्यजातिहरू र अति तिरस्कृत सामरीहरूलाई भेट गरी तिनीहरूलाई अङ्गाल्नुभयो । ईश्वरशास्त्रीय भिन्नताहरूका बाबजुत पनि सबै महान् धर्महरूले उही साझा प्रतिबद्धताहरू जाहेर गर्छन् जसले आदर्श सेकुलर सम्बन्धलाई परिभाषित गर्दछन् । दु:खकष्टलाई कम गरी शान्तिलाई अपनाउने साझा प्रयासमा मुसलमान, बौद्ध मार्गी, हिन्दु, यहूदीसाथै अन्यले एक अर्कालाई अङ्गालो हाल्न सक्छन् भनी म विश्वस्त छु ।

कार्टरले यी भनाइहरूसहित आफ्नो भाषणलाई टुङ्ग्याएका थिए:

युद्ध कहिलेकाहीँ आवश्यक दुष्टयाइँ हुन सक्छ । तर यो जतिसुकै आवश्यक भए तापनि यो सधैँ दुष्ट नै हो र यो कहिल्यै असल कुरो होइन । एक अर्काका सन्तानलाई मारेर हामीले सँगसँगै शान्तिमा कसरी जिउने भनी सिक्न सक्नेछैनौँ । हाम्रो साझा मानवताको सम्बन्ध हाम्रा डर र पूर्वाग्रहको विभाजनभन्दा शक्तिशाली छ । परमेश्वरले हामीलाई छनौट गर्ने क्षमता दिनुहुन्छ । हामी दु:खकष्टलाई कम गर्ने छनौट गर्न सक्छौँ । हामी शान्तिको लागि सँगसँगै मिलेर काम गर्ने छनौट गर्न सक्छौँ । हामी यी परिवर्तनहरू ल्याउन सक्छौँ र हामीले ल्याउनैपर्छ ।

Leave Your Comments Here.